Bashkëpunim rajonal për fondet e Bashkimit Evropian

29 Shtator 2016 - 12:27      

Mundësia për përfitim fondesh nga BE-ja ka bërë që kryetarët e komunave nga Kosova, Maqedonia e Serbia të diskutojnë për bashkëpunimin rajonal në një konferencë, të mërkurën, në Gjilan.

Lutfi Haziri, kryetar i Komunës së Gjilanit, ka deklaruar se bashkëpunimi rajonal mundëson fuqizimin e përbashkët të mikroregjionit dhe zhvillimin e mëtutjeshëm në shumë fusha, siç është ndërtimi i infrastrukturës së përbashkët rrugore dhe rritjen e bashkëpunimit në mes komunave.

“Funksionalizimi i mikroregjionit përveç arsimit e kulturës do të ndodhë edhe në infrastrukturën e përbashkët rrugore, qarkullimin e njerëzve dhe të mallrave. Për realizimin e projekteve ne duhet të çojmë një dëshmi të qartë pavarësisht dallimeve etnike. Ndërsa Komiteti i Regjioneve do të zbarkojë në Komunën e Gjilanit. Ne duhet t’i bindim për një mbështetje më të madhe. Kemi projekte të përbashkëta, siç është inicimi i hapjes së pikës kufitare Stançiq-Bellanoc, e cila shkurton distancën rrugore për 60 kilometra për ata që dëshirojnë të shkojnë në Kumanovë”, ka thënë ai...(Më shumë lexon sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.