LDK-ja anashkalon çështjen e banesave - merret me subvencionet e Komunës

10 Shkurt 2017 - 08:26      

Shefi i Grupit të këshilltarëve të LDK-së në Prishtinë, Agim Gashi, ka thënë se kryetari Shpend Ahmeti nuk ka kompetenca ta largojë askënd nga banesat komunale, ngase kjo e drejtë i takon Kuvendit Komunal, shkruan sot Koha Ditore.

Ky reagim vjen një ditë pas paralajmërimit nga Ekzekutivi komunal se ata do të largojnë ish-drejtorët dhe këshilltarët e LDK-së dhe PDK-së nga banesat komunale në lagjen “Kodra e Diellit”.

Ai nuk ka precizuar nëse ky subjekt do të votojë pro ose kundër vazhdimit të kontratave për ish-funksionarët komunalë të LDK-së.
Megjithatë, dy ditë më parë drejtori për Pronë, Dren Kukaj, ka paralajmëruar ndërprerjen e kontratave për shfrytëzimin e banesave komunale të ndara më 2007 për ish-drejtorë dhe këshilltarë të qeverisjes së kaluar.

“Janë raste të shumta nga të cilat kanë përfituar vetë pushtetarët dhe personat me ndikim në Komunë. Në këtë kontekst ka përmendur ish- drejtorët e LDK-së në Komunë: Halim Halimi, Sabedin Haxhiu, Muhamet Gashi, Agim Dibrani, këshilltarin e PDK-së, Shemsi Veseli, etj.
(Më shumë lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.