Gashi: Ahmeti s’ka kompetenca të largojë askënd nga banesat [video]

9 Shkurt 2017 - 12:46      

Shefi i grupit të asamblistëve të LDK-së në Prishtinë, Agim Gashi, ka thënë se Shpend Ahmeti nuk ka të kompetenca të largojë askënd nga asnjë banesë komunale, pasi sipas tij, këtë të drejtë e gëzon vetëm Kuvendi Komunal.

Ky reagim vjen një ditë pas paralajmërimit, nga ekzekutivi komunal, se ata do të largojnë ish drejtorët dhe asamblistët e LDK-së dhe PDK-së nga banesat komunale në lagjen Bregu i Diellit.

I pyetur nëse grupi që ai e udhëheq do votojë pro ose kundër vazhdimit të kontratave për ish drejtorët dhe asamblistët komunalë, Gashi nuk ka dashur të komentoj, duke thënë se nuk mund të paragjykojë vendimin tani.

Tutje, shefi i asmbleistëve të LDK-së ka akuzuar qeverisjen e Ahmetit, se po punëson persona nga listat e Vetëvendosjes, e të cilët me shumicë vijnë nga komunat tjera.

Gashi ka kritikuar ekzekutivin edhe për humbjen e mbi rreth 800 orëve të mësimit në gjysmë vjetorin e dytë, për shkak të neglizhencës, mos zëvendësimit të mësimdhënësve për shkak të pushimit dhe lëvizjeve dhe problemeve me ngrohjen.

© KOHA. Të gjitha të drejtat janë të rezervuara.