Komuna do t`ua marrë banesat ish-drejtorëve dhe këshilltarëve komunalë

9 Shkurt 2017 - 08:39      

Të gjithë përfituesit e banesave komunale, të ndërtuara para shumë vjetësh në lagjen “Kodra e Diellit”, të cilët nuk janë raste sociale apo invalidë lufte, do të largohen nga këto banesa. Në mesin e tyre janë edhe shumë ish-drejtorë komunalë dhe këshilltarë aktualë, shkruan sot Koha Ditore.

Kështu ka bërë të ditur të mërkurën drejtori për Pronë, në Komunën e Prishtinës, Dren Kukaj, në një konferencë për media, duke e prezantuar këtë gjë si një vendim tashmë të marrë nga ekzekutivi, zbatimi i të cilit, sipas tij, as që vihet në diskutim.

Ai në mënyrë të veçantë ka folur rreth banesave komunale të ndara në vitin 2007 nga Komuna e Prishtinës, duke thënë se ato banesa janë ndarë në mënyrë të padrejtë, prandaj kjo gjë do të korrigjohet tani nga qeverisja komunale.
(Tekstin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.