Kryeqyteti, pa tualete publike - qytetarët thonë se ato janë të domosdoshme [video]

29 Janar 2017 - 08:57      

Edhe 18 vjet pas përfundimit të luftës, në kryeqytet vazhdon të mos ketë tualete publike.

Më 2013, Ministria e Mjedisit dhe Planifikimit Hapësinor nuk pat lejuar vendosjen e tualeteve publike në sheshin “Zahir Pajaziti”, për shkak të kundërshtimit të banorëve të banesave përreth, si pasojë e frikës së mosmirëmbajtjes, raporton emisioni 038 i KTV-së.

Që nga atëherë, nuk është bërë asgjë lidhur me këtë çështje.

Ndërkohë, qytetarët e konsiderojnë si shumë të nevojshme vendosjen e tualeteve publike.

Përderisa thonë se në mungesë të tyre, detyrohen të shfrytëzojnë tualetet e lokaleve përreth.

Edhe njohës të urbanizmit thonë se vendosja e tualeteve publike është e domosdoshme dhe duhet të ndodhë sa më shpejt.

Sipas kryetarit të Asociacionit të Arkitektëve të Kosovës, Eljesi Surdulli, tualetet publike janë pjesë e civilizimit.

Surdulli thekson se për të pasur mirëmbajtje më të mirë, komuna duhet t’u japë hapësirë kompanive private ose ato të bëhen me partneritet publiko-privat.

Në Komunën e Prishtinës nuk kanë dhënë asnjë përgjigje nëse ka ndonjë zhvillim rreth kësaj çështjeje.

© KOHA. Të gjitha të drejtat janë të rezervuara.

Kryeqyteti, pa tualete publike - qytetarët... by kohanet