Moti ka filluar pastrimin e ajrit

26 Janar 2017 - 13:33      

Bazuar në matjet e realizuara nga Institutit Hidrometeorologjik i Kosovës, nga analiza e rezultateve të fituara nga monitorimi automatik i cilësisë se ajrit është vërejte së gjatë ditëve të fundit nuk janë paraqite tejkalime të vlerave kufitare ditore me PM10.

Vlera kufitare ditore e lejuar për mbrojtjen e shëndetit të njeriut është 50ug/m3, ndërsa gjate këtyre ditëve vlera maksimale e mesatares ditore është shënuar me date 25.01.2017 e cila ka arritur në vlerën 28.0µg/m3, e cila është brenda kufijve të lejuar

Ndërsa përqendrime më të ulëta janë paraqitur edhe me ndotësin PM2.5 i cili ka arritur vlerën maksimale të mesatares ditore po të njëjtën ditë dhe në të njëjtin lokacion, nga ku arrin vlerën në 26.2µg/m3.

Ky përmirësim i gjendjes ka ardhur si rezultat i ndryshimit të kushteve atmosferike, përkatësisht paraqitjes së kushteve të favorshme meteorologjike për shpërndarjen e përqendrim ti të ndotësve, sikur se janë, mungesa e mjegullës, shpejtësia e erës 0.5m/s, lagështia me e ultë e ajrit 84%, shtypja atmosferike 955.0mb, temperatura -5.5 oC.
Kjo gjendje ka ndikuar që të ketë shpërndarje të përqendrimit të ndotësve që emitohen në ajër.

© KOHA. Të gjitha të drejtat janë të rezervuara.