Sipas IHMK nuk ka përkeqësim të cilësisë së ajrit në kryeqytet

18 Janar 2017 - 10:46      

Bazuar në matjet e realizuara nga Institutit Hidrometeorologjik i Kosovës, nga analiza e rezultateve të fituara nga monitorimi automatik i cilësisë se ajrit është vërejtur së gjatë ditëve të fundit nuk janë paraqitur tejkalime të vlerave kufitare ditore me PM10.

Vlera kufitare ditore e lejuar për mbrojtjen e shëndetit të njeriut është 50ug/m3, ndërsa gjate këtyre ditëve vlera maksimale e mesatares ditore është shënuar më datë 17.01.2017, e cila ka arritur në vlerën 22.6µg/m3 (për më shumë shih grafikonin në vazhdim), transmeton Koha.net.

Fig. Nr.1 Paraqet përqëndrimin e PM10 dhe PM2.5 në Prishtinë

Ndërsa përqëndrime të ulta janë paraqitur me ndotësin PM2.5, i cili ka arritur vlerën maksimale e mesatares ditore po të njëjtën ditë dhe në të njëjtin lokacion, nga ku arrin vlerën në 20.8µg/m3.

Shënim: # Vlerësimi i përqendrimit të grimcave PM 2.5 në përputhshmëri me standardet e kualitetit të ajrit bëhet duke u bazuar ne vlerën vjetore. 

© KOHA. Të gjitha të drejtat janë të rezervuara.