Deponi e mbeturinave afër qendrës, Komuna premton zgjidhje [video]

15 Janar 2017 - 08:40      

Në hapësirat mes rrugëve “Gjon Sereqi”, “Xhafer Deva” dhe “Selman Kadria” tash e një kohë zë vend një deponi e madhe me mbeturina.

Pos pamjes së shëmtuar, kjo deponi është bërë shqetësim edhe për shkak qenve endacakë.

Megjithëkëtë, gatishmëria për folur për këtë deponi nuk është e madhe te banorët e kësaj lagjeje.

Madje, kishte edhe qytetarë të cilëve u pengonte xhirimi i kësaj deponie.

Në Komunën e Prishtinës thonë se jo shumë kohë më parë e kanë pastruar këtë hapësirë, por se një pjesë e madhe e saj prapë është mbuluar nga mbeturinat.

Ata njoftojnë se në pranverë do bëhet rehabilitimi dhe gjelbërimi i kësaj pjese.

Si shqetësuese për komunarët mbetet hedhja e mbeturinave jashtë sistemit për shkak të ndërtimeve të mëdha.

E, po ashtu edhe qytetarët të cilët duke refuzuar të paguajnë tarifën e caktuar, i shkaktojnë dëme të mëdha kryeqytetit.

© KOHA. Të gjitha të drejtat janë të rezervuara.