Begolli: Rrugët në Prishtinë të kalueshme, fshatrat me më shumë vështirësi

6 Janar 2017 - 23:50      

Drejtori i Drejtorisë së Shërbimeve Publike në Komunën e Prishtinës, Genc Begolli në një intervistë për KTV ka thënë se rrugët në Prishtinë janë të kalueshme, ndërsa ka theksuar se më së tepërmi vështirësi ka në fshatra por që edhe aty po punohet.

Ai ka thënë se nëntë kompani po punojnë intensivisht në pastrimin e rrugëve në Prishtinë.

“Rrugët në Prishtinë janë të kalueshme, kemi disa probleme në fshatra. 6 kompani veprojnë në qytet ndërsa 2 në fshatra, kurse kemi marr edhe një kompani tjetër për të punuar në fshatra. Nëntë kompani besoj se janë të mjaftueshme për të mbajtur rrugët e qarkullueshme”, është shprehur Begolli.

Ai gjithashtu ka thënë se numri i aksidenteve ka qenë shumë më i vogël se zakonisht në Prishtinë.

“Hera e parë që ka pasur më së paku aksidente në Prishtinë. Këtë e keni parë edhe në raportin e Policisë, me të cilët kemi pasur bashkëpunim të mirë këtyre ditëve”, është shprehur ai.

© KOHA. Të gjitha të drejtat janë të rezervuara.