Përfituesit e banesave sociale dihen në prill të 2017-s

28 Dhjetor 2016 - 08:42      

Familjet përfituese të banesave sociale të Komunës së Prishtinës do ta marrin lajmin në prill të vitit që vjen.

Kështu, bëjnë të ditur drejtues të Komunës së Prishtinës, duke sqaruar se ndonëse ka filluar shqyrtimi i aplikacioneve për përfitimin e këtyre banesave, procesi do të marrë kohë deri në finalizimin e tij, për shkak se Komisioni dëshiron që të bëjë mirë punën e tij, shkruan sot “Koha Ditore”.

“Komisionit do t’i duhet një muaj kohë për verifikimin e aplikacioneve, dhe pastaj një muaj tjetër kohë për verifikimin e të gjitha rasteve edhe në terren”, ka thënë Erzen Vraniqi, zyrtar për media në Komunë.

Komisioni Vlerësues për banesat sociale të Komunës së Prishtinës ka bërë të ditur se në konkursin për banesat sociale të shpallur para afro një muaji, kanë aplikuar 329 familje për të përfituar banim social... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.