149 leje ndërtimi për njëmbëdhjetë muaj

27 Dhjetor 2016 - 08:31      

Komuna e Prishtinës ka lëshuar 149 leje ndërtimi gjatë 11 muajve të parë të këtij viti, përderisa gjatë së njëjtës periudhë kohore ka ndërmarrë 34 aksione rrënimi të ndërtimeve pa leje.

Këto të dhëna i kanë konfirmuar për “Kohën Ditore” drejtues të Komunës së Prishtinës, duke i paraqitur si dëshmi që flasin se në Prishtinë është ndalur degradimi i qytetit në aspektin urbanistik njëherë e përgjithmonë.

Adonis Tahiri, zyrtar për media në Komunën e Prishtinës, ka thënë për gazetën se të gjithë aplikuesit që i kanë plotësuar kushtet e kërkuara sipas Ligjit të ndërtimit, rregulloreve dhe planeve rregulluese në fuqi janë pajisur me leje të ndërtimit, shkruan sot “Koha Ditore”.

“Si rezultat i kësaj, Drejtoria e Urbanizmit në 11 muajt e parë të këtij viti ka lëshuar 149 leje për ndërtim”, ka thënë Tahiri.

Ai ka thënë se lejet e lëshuara ndërtimore janë të ndryshme, varësisht prej interesave që kanë aplikuesit, qoftë për shtëpi, banesa kolektive, lokale afariste, e të ngjashme... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.