Niveli i ndotjes në Prishtinë rritet, por jo reagimi institucional

21 Dhjetor 2016 - 09:09      

Prishtinë, 21 dhjetor - Ministria e Mjedisit, të martën, nëpërmjet një shkrese, ka kërkuar nga Ministria e Administrimit të Pushtetit Lokal ndërmarrjen e masave për mbrojtjen e ajrit.

Sipas kësaj shkrese, plani i veprimit duhet të përmbajë qarkullimin e mjeteve motorike, ngrohjen në amvisëri, biznese dhe në shërbime të tjera, me qëllim të zvogëlimit të shkallës së ndotjes së ajrit, shkruan sot “Koha Ditore”.

Të njëjtën ditë, raporti ditor i kësaj ministrie sërish ka nxjerrë statistika të larta të ndotjes së ajrit në kryeqytet.

Gjendjen alarmante e ka konstatuar edhe iniciativa qytetare “Merr frymë”, sipas së cilës, më 19 dhjetor Prishtina ka qenë qyteti më i ndotur në botë, madje me nivel më të lartë se Pekini. Sipas kësaj iniciative, problemi i ndotjes është bërë publik me matjet e Ambasadës amerikane në Prishtinë.

Erzen Vraniqi, zëdhënës i Komunës së Prishtinës, ka thënë se mundësitë e Komunës për t`u përballur me ndotjen janë minimale... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.