Gecajt i dështon takimi me Ahmetin për Ligjin për Prishtinën, takohet me Kryesuesin e Kuvendit

16 Dhjetor 2016 - 10:53      

Zëvendësministri i Administrimit të Pushtetit Lokal, Bajram Gecaj, nga objekti i Komunës së Prishtinës e ka akuzuar kreun e saj, Shpend Ahmeti, se tash e 3 muaj ka refuzuar të takohet më të për të biseduar për Ligjin për Prishtinën.

Sipas Gecajt, për shkak të refuzimit nga Ahmeti, ai ka zgjedhur të takohet me kryesuesin e Kuvendit të Komunës, Halim Halimi.

Gecaj njoftoi se përpos disa detajeve draft ligji është gati, ndërsa shtoi se ai do të miratohet gjatë vitit 2017, në mënyrë që në buxheti i vitit 2018 për komunat, kryeqytetit t’i ndahet sipas ligjit për të.

Ndërsa, akuzat e zëvendësministrit, i ka quajtur “rrena patologjike” zëdhënësi i komunës Adonis Tahiri, i cili ka shtuar se ftesa për takim nga Gecaj ka ardhur vetëm para një jave.

Por, sipas tij, pasi që draft ligji është gati, nuk ka asnjë arsye që të mbahet ndonjë takim, e siç ka thënë ai, “aq më pak me një rrenc patologjik si zëvendësministri Gecaj”.

E meqenëse drafti është gati, Tahiri ka bërë thirrje që ligji të procedohet në Kuvendin e Kosovës.

Gecajt i dështon takimi me Ahmetin për Ligjin... by kohanet

© KOHA. Të gjitha të drejtat janë të rezervuara.