Tetëdhjetë për qind e banesave kolektive pa kryesues të objektit

15 Dhjetor 2016 - 09:21      

Tetëdhjetë për qind e banesave kolektive në Prishtinë nuk kanë kryesues të objektit. Këtë statistikë e ka bërë të ditur të mërkurën në një tryezë të organizatës joqeveritare “Developing Together”.

Arben Ulqinaku, nga kjo OJQ, ka thënë se problemi është zinxhiror. Në këtë kontekst ai ka bërë të ditur se nuk është funksionale as Shoqata e pronarëve të banesave, siç e parasheh ligji.

“Pastaj nuk themelohen as këshillat e banesave, të cilat duhet të zgjedhin vetë kryesuesin e tyre, si dhe të themelojnë llogarinë e përbashkët rrjedhëse në të cilën do të duhej të derdheshin mjetet e fondit të përbashkët për mirëmbajtjen e banesës me bashkëpronësi”, ka thënë Ulqinaku.

Sipas tij, në këtë problem duhet të involvohet pushteti lokal, duke zgjedhur kompani që duhet të administrojnë me këto punë dhe banorët vetëm duhet të paguajnë obligimet, shkruan sot më gjerësisht Koha Ditore. 

© KOHA. Të gjitha të drejtat janë të rezervuara.