Cilësia e ajrit në Prishtinë vazhdon të jetë e jashtë normave

8 Dhjetor 2016 - 12:16      

Bazuar në matjet e realizuara nga Instituti Hidrometerorologjik i Kosovës dhe nga analiza e rezultateve të fituara nga monitorimi automatik i cilësisë se ajrit nga stacionet matëse në Prishtinë, edhe gjatë dy ditëve të fundit, ndonëse në shkallë më të ulët janë regjistruar tejkalime të vlerave kufitare ditore me PM10.

Vlera kufitare ditore e lejuar për mbrojtjen e shëndetit të njeriut është 50ug/m3, ndërsa që me datë 07.12.2016, është regjistruar vlera 51.5µg/m3, transmeton Koha.net.

Përqendrime të larta janë regjistruar edhe me ndotësin PM2.5, për të cilin në stacionet e Prishtinës po të njëjtën ditë dhe në të njëjtën kohë, është regjistruar vlera maksimale prej 49 µg/m3, që korrespondon me vlerën 139 të Indeksit të Cilësisë së Ajrit (AQI), ose me zonën e portokalltë, që është e ndjeshme për personat me ndjeshmëri të lartë ndaj kësaj ndotje.

© KOHA. Të gjitha të drejtat janë të rezervuara.