“Blej shqip” bashkon në Prishtinë më shumë se 120 prodhues shqiptarë [video]

27 Nëntor 2016 - 19:29      

Më shumë se 120 prodhues nga të gjitha trevat shqiptare po marrin pjesë në panairin “Blej Shqip”, i cili është hapur në sheshin “Zahir Pajaziti”, në Prishtinë.

Ministrja e Zhvillimit Ekonomik, Turizmit, Tregtisë dhe Sipërmarrjes së Shqipërisë, Milva Ekonomi, ka thënë se panairi është një ngjarje e rëndësishme për sipërmarrësit në Kosovë dhe Shqipëri, që të bashkohen dhe të shikojnë se çfarë produkte bëjnë dhe çfarë mund t’u ofrojnë konsumatorëve.

Ajo bëri të ditur se po punojnë që produktet e Kosovës dhe Shqipërisë të regjistrohen si marka.

Ndërsa, Drejtori i Planifikimit Strategjik dhe Zhvillimit të Qëndrueshëm në Komunën e Prishtinës, Genc Bashota, ka thënë se ky është panairi i tretë që organizohet dhe i cili kishe një interesim më të madh nga prodhuesit.

Panairi tashmë tradicional, organizohet nga Komuna e Prishtinës dhe Ministria e Zhvillimit Ekonomik dhe Turizmit.

© KOHA. Të gjitha të drejtat janë të rezervuara.