Banorët e “27 nëntori” ankohen se komuna nuk i ka mbyllur gropat që i hapi një muaj e gjysmë më herët

20 Nëntor 2016 - 17:09      

Rrugë të ngushta e të dëmtuara, me plotë gropa.

Shpeshherë, kur automjetet takohen përballë, kalimi vështirësohet.

Këto janë disa nga problemet e banorëve të rrugës “27 nëntori” në kryeqytet.

Ata ankohen se komuna, para një muaji e gjysmë, kishte prerë pjesë të asfaltit për të mbuluar gropat, por thonë se asfalti nuk është shtruar e gropat kanë mbetur të hapura. Ndërsa shtojnë se problem kanë edhe me kanalizimin.

Rrezik sipas tyre po paraqesin edhe ujëmbledhësit e reshjeve, të cilët janë dëmtuar.

Në komunë pohojnë se sanimi i gropave është vonuar për shkak se banorët kanë kërkuar edhe rregullimin e kanalizimit.

Ata premtojnë se problemet e këtyre banorëve, varësisht nga kushtet klimatike, do të zgjidhen sa më shpejtë që të jetë e mundur, e gjithsesi para vitit të ri.

© KOHA. Të gjitha të drejtat janë të rezervuara.