BE-ja kërkon racionalizimin e qeverisjes lokale nëpër komuna

11 Nëntor 2016 - 09:07      

Raporti i Progresit për Kosovën ka kritikuar qeverisjen nëpër komunat e Kosovës, në shumë fusha, me theks të veçantë për mosrespektimin e të drejtave të minoriteteve, mungesën e transparencës dhe llogaridhënien publike, dështimin për të miratuar buxhetin sipas kufijve të përcaktuar nga Ministria e Financave, shkeljet e identifikuara edhe nga auditori i përgjithshëm etj.

Në Raport përmendet se me 38 komuna (që llogaritet se është numër i madh, duke pasur parasysh madhësinë e Kosovës), duhet të ndërmerren hapa për racionalizimin e qeverisë lokale, me qëllim të inkurajimit të shërbimit efektiv dhe të fuqizimit të qeverisjes së përgjegjshme.

Raporti i Progresit i ka rekomanduar Komunës së Prishtinës, respektim në mënyrë të plotë të të drejtave të minoriteteve.

“Autoritetet komunale në Prishtinë duhet të demonstrojnë respektimin e plotë për të drejtat e komuniteteve fetare, ashtu si precizohet me ligj, si dhe duhet të alokojnë tokë për varre, për pjesëtarët e komunitetit protestant”, thuhet ndër të tjera në Raport.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.