Drejtoria e Arsimit s’do ta largojë nga shkolla mësimdhënësen e “Sami Frashërit”

7 Nëntor 2016 - 09:06      

Profesoresha e kimisë, F.R. nuk do të largohet nga puna, si mësimdhënëse në gjimnazin “Sami Frashëri” të Prishtinës, megjithëse ka më së një muaj që nxënësit e një klase të 12-të të kësaj shkolle nuk duan të mbajnë mësim me të.

E ky rast, rezulton të ketë përplasur zyrtarë të Ministrisë së Arsimit, me ata të Komunës së Prishtinës, shkruan sot “Koha Ditore”. Kjo për shkak se të dy institucionet janë pajtuar që të formojnë një Komision për vlerësimin e punës së kësaj mësimdhënëseje, por pastaj komuna ka gjetur shumë vërejtje në vlerësimet e inspektorëve të MASHT-it.

Kështu që komuna ka dalë me qëndrimin se profesoreshës F.R. do t’i ofrohet trajnim dhe mbështetje për ngritjen e saj profesionale, në mënyrë që ajo të rritë performancën e saj në punë, me të cilën nuk kanë qenë të kënaqur një pjesë e nxënësve të shkollës me të cilët ajo të mbante mësimin.

(Tekstin e plotë sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.