Qe dy muaj, rruga “Shaqir Igrishta” ka mbetur në gjendje të rëndë [video]

6 Nëntor 2016 - 08:54      

Para dy muajsh, në rrugën “Shaqir Igrishta” ishte intervenuar në një pjesë të kanalizimit, por rruga nuk është kthyer në gjendjen e mëparshme. E që nga atëherë gjendja e saj vetëm sa është përkeqësuar. Në komunë thonë se kjo ka ndodhur për shkak se duhet të bëhet edhe një intervenim në këtë rrugë.

Rreth dy muaj më parë, ishte intervenuar në rrjetin e kanalizimit në rrugën “Shaqir Igrishta”, në kryeqytet.

Por, pas intervenimit, rruga nuk është kthyer në gjendjen e mëparshme, raporton “038” i KTV-së.

E me kalimin e kohës dhe reshjet e shiut, gjendja e saj është përkeqësuar.

Kjo ka shkaktuar pakënaqësi dhe nervozizëm te banorët e lagjes.

Në Ujësjellësin Rajonal “Prishtina” thonë se rregullimi i kësaj pjese të rrugës nuk është përgjegjësi e tyre, pasi punimet janë kryer nga një kontraktor i komunës.

Ndërsa, në komunë thonë se rruga ka mbetur në këtë gjendje, pasi është dashur që për herë të dytë të intervenohet në rrjetin e kanalizimit.

Ata premtojnë se pas intervenimit, rruga do të kthehet në gjendjen e mëparshme.

© KOHA. Të gjitha të drejtat janë të rezervuara.