Opozita akuzon kreun e Prishtinës për mosraportim në Kuvend

31 Tetor 2016 - 09:03      

Partitë opozitare në Kuvendin Komunal të Prishtinës kanë akuzuar kryetarin e Komunës, Shpend Ahmeti, për shkelje të Ligjit, shkaku i mosraportimit në Kuvend në lidhje me situatën ekonomiko-financiare dhe zbatimin e planeve investuese të komunës.

Flamur Shala, shef i Grupit parlamentar të LDK-së në KK-në e Prishtinës, ka thënë se po kalon muaji tetor dhe ekzekutivi s’po arrin t’i organizojë politikat e veta dhe ato t’i plasojë për diskutim para Kuvendit të Komunës së Prishtinës, shkruan sot “Koha Ditore”.

Sipas planit të punës së administratës, pra të ekzekutivit të Prishtinës, i aprovuar në Kuvendin e Prishtinës, Kuvendi do të duhej t’i trajtonte të gjitha çështjet, të dala si politika të kryetarit Ahmeti, ka thënë Shala.

“Fakti i dështimit të realizimit të këtij plani, të pikave për shqyrtim, që do të duhej dërguar nga ekzekutivi para Kuvendit të kryeqytetit, tregon se kjo qasje qeverisëse krejt dështuese e udhëheqjes së Prishtinës, e ka humbur krejtësisht busullën qeverisëse”, ka thënë Shala.

(Më gjerësisht sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.