“Termokosi” dhe Komuna, me akuza reciproke për zgjerimin e rrjetit

20 Tetor 2016 - 08:39      

Drejtues të ngrohtores së qytetit “Termokos” dhe ata të Komunës së Prishtinës kanë bërë akuza reciproke në lidhje me zgjerimin e rrjetit të ngrohjes, shkruan sot Koha Ditore.

Ditë më parë, kryetari i Komunës, Shpend Ahmeti, ka deklaruar se shefat e ndërmarrjes “Termokos” kanë tentuar që të lidhin në rrjet ndërtesa, të cilat nuk e kanë pasur radhën që të lidhen në të, meqë para tyre ka në numër të tërë ndërtesash, e të cilat ishin anashkaluar në mënyrë që në rrjet të lidheshin njëra ndër to. Por, pastaj Komuna ka ndërprerë këto punime, megjithëse ka pasur shumë telashe për këtë.

Sipas tij, pronari i ndërtesës së cilës është tentuar t’i dërgohej rrjeti i ngrohjes nga “Termokos”, i ka shitur banesat me kushtin që ata do të kenë ngrohje qendrore, prandaj dhe janë shfrytëzuar lidhjet e ndryshme që ngrohja t’i dërgohej me çdo kusht.
Komuna i ka dhënë leje “Termokosit” për zgjerim të rrjetit e jo për lidhje individuale të ndërtesave.
(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.