Komuna e Prishtinës kërkon qytetari aktive me raportim shkeljesh nga vend ngjarja

18 Tetor 2016 - 09:11      

Komuna e Prishtinës ka krijuar mundësinë që qytetarët të raportojnë pa asnjë shpenzim shkeljet e ligjit dhe rregullave në hapësirën komunale, përmes një aplikacioni digjital, të cilin do ta lansojë së shpejti.

Krejt kjo, në mungesë të kapaciteteve të inspektorëve dhe policisë për të identifikuar të gjitha parregullsitë që ndodhin në qytet, ka thënë Muhedin Nushi, drejtor i Administratës Qendrore në Komunën e Prishtinës, duke shtuar se Komuna dëshiron të krijojë hapësirë për qytetari aktive dhe për raportim të parregullsive nga ta, kudo që ata hasin se po bëhen shkelje të rendit dhe ligjit, shkruan sot “Koha Ditore”.

Ndërsa, qytetarët, derisa raportojnë shkeljet e ndryshme dhe parregullsitë përmes fotove, vetë mund të zgjedhin nëse duan të mbesin anonim apo të zbulojnë identitetin e tyre, apo edhe vetëm të lënë një adresë elektronike apo numër telefoni, nëse duan të marrin informatë kthyese se çfarë ka ndodhur me rastin të cilin e kanë raportuar.

“Ne do të startojmë edhe me aplikacione të tjera, i cili qytetarët i vendos në rolin e inspektorëve duke raportuar çfarë do lloj parregullsie që sheh ai vetë, dhe të cilat mund t’i raportojë ato në Komunë përmes këtyre aplikacioneve, duke dërguar fotografi nga vendi i ngjarjes përmes telefonave të mençur”, ka thënë Nushi.

Ai ka theksuar se dispeçeri në Komunë do të vlerësojë nëse fotoja është në rregull dhe pastaj atë e dërgojnë me informatat në adresën e duhur, varësisht se cilës sferë i takon problemi për të cilin raporton qytetari... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.