Çdo i pesti fillorist i Prishtinës ka problem me mbipeshën

14 Tetor 2016 - 08:25      

Mbipesha po rezulton të ketë shënuar rritje te nxënësit e klasës I-IX në Komunën e Prishtinës, shkruan sot Koha Ditore.

Ky konstatim ka dalë nga kontrolli mjekësor i rregullt që u bëhet nxënësve në shkollat fillore, rezultatet e të cilit janë bërë publike të enjten.

Nga numri i përgjithshëm prej 10 050 nxënësve nga klasa e parë deri në të nëntën, që u janë nënshtruar kontrolleve mjekësore nëpër shkolla, rezulton se çdo i pesti prej tyre ka probleme me mbipeshë.

Këto të dhëna janë paraqitur të enjten, në një konferencë shtypi që kanë mbajtur kryetari i Komunës së Prishtinës, Shpend Ahmeti, së bashku me drejtorin e Shëndetësisë në Komunë-Arben Vitija, mjeku i Qendrës Kryesore të Mjekësisë Familjare në Prishtinë- Nexhmedin Hoti, si dhe mjekëve të tjerë që kanë udhëhequr projektin e vizitave sistematike të nxënësve të shkollave fillore dhe të mesme të ulëta për vitin shkollor 2015-2016, i cili është drejtuar nga Komuna e Prishtinës.

Obeziteti rezulton të ketë prekur më shumë fëmijët e gjinisë mashkullore. Ndërsa, të dhënat e nxjerra edhe në një raport zyrtar, tregojnë se 22.3 për qind e nxënësve në Prishtinë vuajnë nga obeziteti.
(Shkrimin e plotë lexojeni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.