LDK: Komuna e Prishtinës humbi 15 milionë euro

13 Tetor 2016 - 12:15      

Përfaqësues të degës së Lidhjes Demokratike të Kosovës kanë akuzuar kryetarin e komunës së Prishtinës, Shpend Ahmeti, duke thënë se me qëllime politike po i organizon militantët para hyrjeve të ndërmarrjeve publike në mënyrë që t’i largojë aksionarët nga këto ndërmarrje.

Asamblisti i LDK-së në Prishtinë, Flamur Shala në një konferencë për media ka thënë se militantët e Vetëvendosjes, transmeton kp, nuk i lejuan të hynë aksionarët e ndërmarrjes banesore disa herë në ndërmarrje, dhe kështu u larguan edhe anëtarët e përkohshëm.

Sipas tij,15 milionë janë të humbura nga mosinkasimi dhe po aq të neglizhuara me projekte të bartura e të papërfunduara. 

Shala pati edhe ankesa në organizimin e mbledhjeve të kuvendit komunal në kryeqytet si dhe vërejtje tjera.

© KOHA. Të gjitha të drejtat janë të rezervuara.