LDK e Prishtinës kërkon strehim për familjet e “Dardanisë” në “Hajvali”

28 Shtator 2016 - 12:51      

Lidhja Demokratike në Prishtinë ka kërkuar që të larguarve nga banesat në lagjen “Dardania” në Prishtinë, t’iu sigurohet strehimi në banesat kolektive, të ndërtuara në Hajvali, ku sipas LDK-së, qe tri vjet me radhë nuk janë ndarë nga Komuna e Prishtinës. Ato, sipas saj, kanë ndërtuar për familjet e pozitave sociale dhe për ato të kategorive të luftës.

“Këto banesa janë ndërtuar nga ana e qeverisjes së LDK-së, sa kishte mandat Isa Mustafa, ku tani qe tri vite sipas LDK-së, ato banesa janë të gatshme për banim por janë duke u mbajtur peng nga kryetari i tanishëm, Shpend Ahmeti dhe partia e tij Vetëvendosje”, thuhet në reagimin e LDK-së.

Sipas LDK-së, Shpend Ahmeti as që përmend faktin se ka në dispozicion 80 banesa në Hajvali qe tri vite.

“LDK e Prishtinës kërkon qe në mënyrë urgjente ta shqyrtoi çështjen e 80 banesave në Hajvali dhe ti ndaj ato në mënyrën më të mirë për qytetarët e kategorive të destinuara të Prishtinës, apo ti së paku ti strehoj përkohësisht banorët e dëbuar nga banesat e Dardanisë deri sa atyre tu bëhet ndonjë zgjidhje e duhur”, thuhet ndër të tjera në reagimin e LDK-së.