Në kryeqytet vazhdon të ketë shumë gropa [video]

17 Shtator 2016 - 10:15      

Ndonëse në shumë rrugë të kryeqytetit, gropat janë mbyllur, ato nuk mungojnë.

Të tilla janë të pranishme në rrugë të ndryshme të kryeqytetit.

E për to nuk mungojnë ankesat nga qytetarët, të cilët ankohen për tollovi për shkak të gropave, e po ashtu edhe se po u prishen veturat

Në komunë premtojnë se për pak ditë do të mbulohen të gjitha gropat në zonën urbane.

“Kontratat për sanimin e gropave dhe përmirësimin e infrastrukturës ripërtërihen, bëhen vazhdimisht, hapen tenderë të rinj kur ka nevojë dhe tani është duke u zbatuar një kontratë e tillë dhe kompania fituese ka filluar sanimin e gropave në pjesën urbane të qytetit dhe besoj se për pak ditë do të përfundojë sanimi i të gjitha gropave në qytet”, ka thënë Adonis Tahiri nga Komuna e Prishtinës.

Por, qytetarët kanë ankesa për, siç thonë, zvarritjen e punimeve që po i bën komuna.

Ndërkohë, pas përfundimit të punimeve nga KEDS-i, Komuna e Prishtinës ka njoftuar për punime të reja në rrugën “Muharrem Fejza”, e cila konsiderohet si rruga më e shkatërruar në kryeqytet.

Infrastruktura rrugore në kryeqytet mbetet ende problematike në shumë pjesë.

© KOHA. Të gjitha të drejtat janë të rezervuara.