Si ndodhi që Komuna e Prishtinës dha 50 mijë euro për koncertin e Dua Lipës

14 Shtator 2016 - 21:51      

Nënkryetari i Prishtinës, Dardan Sejdiu është përgjigjur në “Rubikon” të KTV-së se si Komuna e Prishtinës i ka dhënë pa tender 50 mijë euro kompanisë së babait të Dua Lipës, Dukagjin Lipa për organizimin e koncertit të Duas.

Ai ka thënë se për këtë i ka lejuar Komisioni Rregullativ i Prokurimit Publik, pasi kompania është e autorizuar dhe e vetmja që mund të menaxhojë koncertet e artistes në Ballkan, transmeton Koha.net.

“E kemi dërguar në KRPP, që për organizim të koncertit të Dua Lipës të lidhim kontratë me kompaninë që menaxhon koncertet e saj në Ballkan. KRPP na ka autorizuar që të lëshojmë 50 mijë euro”, ka thënë Sejdiu.

Ai më tej ka shtuar se për të gjitha shpenzimet e 50 mijë eurove janë dorëzuar fatura, të cilat i kontrollojnë menaxherët e Komunës së Prishtinës.

© KOHA. Të gjitha të drejtat janë të rezervuara.