Edhe pse u besojnë edukatorëve, prindërit duan kamera në çerdhe [video]

10 Shtator 2016 - 14:55      

Muaj më parë, në një çerdhe private në Shqipëri kishte ndodhur një incident, ku një fëmijë ishte keqtrajtuar nga një edukatore.

Ndërsa, rasti kishte bërë bujë në media.

Debat për të kishte edhe në Kosovë.

Pas asaj që ndodhi në Shqipëri, në Kosovë ishte shtuar interesimi për vendosjen e kamerave të sigurisë në institucionet parashkollore.

Kryetari i Prishtinës, Shpend Ahmeti, në një intervistë, derisa kishte njoftuar se do të bëhet vendosja e kamerave në institucionet parashkollore, pati thënë se ideja për vendosjen e tyre kishte qenë para se të ndodhte incidenti në Shqipëri, ani pse ishte aktualizuar me atë ngjarje.

Megjithatë, ai kishte thënë se ajo s’do të bëhej për monitorimin e edukatoreve.

Idenë e vendosjes së kamerave po e përkrahin prindërit, edhe pse janë të kënaqur me edukatoret.

Por, pos monitorimit, prindërit i shohin të dobishme kamerat edhe për aspekte të tjera.

Megjithëse e mirëpresin idenë e komunës për vendosjen e kamerave, prindërit thonë se nuk janë të kënaqur me punën e komunës, pasi shpeshherë nuk po i zëvendësojnë edukatoret, të cilat shkojnë në pushim.

© KOHA. Të gjitha të drejtat janë të rezervuara.