Prindërit duan kamera të sigurisë nëpër çerdhet publike

6 Shtator 2016 - 08:58      

Prishtinë, 6 shtator – Prindërit e fëmijëve që vijojnë institucionet parashkollore publike në kryeqytet dëshirojnë që fëmijët e tyre të monitorohen me kamera. Kjo në funksion të mbrojtjes nga keqtrajtimet eventuale.

Nëse Komuna nuk do të obligojë çerdhet që të instalojnë kamerat brenda objektit, atëherë prindërit paralajmërojnë se do të dalin me një peticion, ose letër publike drejtuar Komunës, shkruan sot “Koha Ditore”.

Kryeqyteti ka vetëm 9 çerdhe publike. Tetë nga to kanë statusin publik dhe një është në partneritet publiko-privat. Ndërsa, llogaritet se ka edhe rreth 30 çerdhe private, të cilat licencohen nga Ministria e Arsimit, ndërsa duhet të mbikëqyren nga Komuna.

Por, në Komunën e Prishtinës gjatë së hënës nuk kanë qenë në gjendje të flasin për çështjen e kamerave në institucionet parashkollore.

Deri tani, kamerat e sigurisë janë vendosur në 20 shkolla në kryeqytet... (gjerësisht, sot në “Kohën Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.