Viti i ri shkollor me probleme të vjetra, mes tyre edhe ai për mësim gjithëditor [video]

5 Shtator 2016 - 20:33      

Fillimi i vitit të ri shkollor ka nisur me brengat e vitit të kaluar.

Mësimi gjithëditor, i nisur në tetor të vitit të kaluar, po vazhdon të shqetësojë prindërit e fëmijëve, ku po vazhdon pilotimi i këtij projekti.

Kushtet joadekuate, improvizimet dhe orari i papërshtatshëm janë vetëm disa nga shqetësimet e prindërve me këtë pilot projekt.

Por, ka edhe të atillë që nuk kanë fare informacion se fëmijët e tyre do të fillojnë më mësim gjithëditor.

Bazuar në analizat e bëra për këtë pilot projekt, drejtuesit e arsimit në Prishtinë thonë se ka një ngritje të lehtë të suksesit.

E si pasojë e kësaj, Prishtina ka zgjeruar këtë pilot projekti edhe në tri shkolla të tjera në kryeqytet.

Ministri i Arsimit paralajmëroi se projekti i shkollave gjithëditore do të shtrihet në nivel kombëtar.

Megjithatë, drejtoresha e arsimit, Arbëria Nagavci, ka paralajmëruar se pas pranimit të kurrikulave dhe njoftimit të prindërve, mësimi tërëditor do të fillojë në pjesën e dytë të shtatorit.

© KOHA. Të gjitha të drejtat janë të rezervuara.