LDK-ja “sakrifikon” 15 arë tokë për Ambasadën e Shqipërisë

1 Shtator 2016 - 09:24      

Prishtinë, 1 shtator - LDK-ja do ta mbështesë ndarjen e 15 arëve tokë për Ambasadën e Shqipërisë, kur ajo do të procedohet për miratim në Kuvendin Komunal të Prishtinës. Kjo parcelë është gjysma e pjesës prej 30 arësh, të cilën vite më parë Kuvendi Komunal i Prishtinës ia pati ndarë LDK-së për ndërtimin e Rezidencës.

Por, ende nuk ka ndonjë datë të përafërt se kur do të mblidhet Kuvendi dhe a do të jetë kjo pikë në rend dite.

Kryesuesi Halim Halimi ka thënë se kjo do të mund të realizohet vetëm nëse parashihet ndarja e 15 arëve tokë, por jo 30 dhe me kushtin që ajo të jetë pikë e veçantë, por jo që e njëjta të futet në kuadër të planeve rregulluese.

Ai ka thënë se fillimisht duhet të shfuqizohet vendimi për caktimin e lokacionit të parë, në Sofali, për Ambasadën e Shqipërisë, e tek pastaj të propozojë për miratim lokacionin te Hortikultura (gjerësisht, sot në “Kohën Ditore”).
 

© KOHA. Të gjitha të drejtat janë të rezervuara.