“Kapjet” dhe “çkapjet” e Prishtinës sipas PDK-së e VV-së [video]

21 Gusht 2016 - 19:13      

“Komuna e Prishtinës është e mbushur me militantë të Lëvizjes ‘Vetëvendosjes’ dhe ata shfrytëzohen për të shkatërruar kryeqytetin”, raporton KTV.

Kështu është shprehur në një konferencë për media, Bujar Cakolli, sekretar i PDK – dega në Prishtinë, e i cili ka kërkuar nga Prokuroria të fillojë hetimet sipas tij, mbi punësime të jashtëligjshme në Komunën e Prishtinës.

Cakolli, duke iu referuar raportit përfundimtar të buxhetit 2015 të hartuar nga komuna e Prishtinës thotë se kodi i shpenzimeve të kontraktuara ka qenë i planifikuar 180 mijë, e ndërsa janë shpenzuar 1 milion e 20 mijë. Cakolli ka kërkuar edhe nga kryetari Ahmeti që të tregojë se ku kanë shkuar këto para, si dhe numrin e saktë të punësuarve.

I menjëhershëm ka qenë edhe reagimi i kryetarit të Prishtinës, Shpend Ahmeti.

Sipas tij, shpifjet mund të vazhdojnë nga Klani Pronto, por nuk mund t’i zhbëjnë telefonatat e Grabovcit.

Ahmeti thotë se në listë nuk janë 250 persona, por shumë më pak emra, por të përsëritur shumë herë.

© KOHA. Të gjitha të drejtat janë të rezervuara.