Kosova para UNESCO-s garanton statusin special për Kishën Ortodokse Serbe

8 Tetor 2015 - 07:19      

Ditën kur Bordi Ekzekutiv i Organizatës së Kombeve të Bashkuara për Arsim, Shkencë dhe Kulturë (UNESCO) ka nisur sesionin, krerët shtetërorë të Kosovës janë përkujdesur që me një letër të përbashkët t’u drejtohen delegacioneve kombëtare, duke kërkuar mbështetje për anëtarësim në këtë agjenci të Kombeve të Bashkuara, shkruan sot Koha Ditore.

Në dokument ata kanë numëruar një varg arsyesh pse Kosova duhet të jetë pjesë e këtij mekanizmi. Letrës në mirëbesim i është bashkëngjitur edhe një raport mbi trashëgiminë kulturore serbe në Kosovë, autor i të cilit është ish-shefi i Zyrës ndërlidhëse greke në Kosovë, Dimitris Moschopoulos, një kohë i ngarkuar i BE-së për çështje të mbrojtjes së trashëgimisë fetare dhe kulturore të Kishës Ortodokse Serbe në Kosovë, tani këshilltar i jashtëm Qeverisë së Kosovës për trashëgimi fetare dhe kulturore.

Në letrën e nënshkruar nga presidentja Atifete Jahjaga, kryetari i Kuvendit, Kadri Veseli, kryeministri Isa Mustafa dhe ministri i Jashtëm, Hashim Thaçi, krerët e vendit kanë dhënë zotime se Republika e Kosovës do të vazhdojë t’i marrë përsipër obligimet që dalin nga aneksi numër pesë i Planit të Ahtisarit, i cili Kishës serbe i siguron mbrojtje kushtetuese të identitetit, pronës dhe lidhje speciale me Serbinë.

(Më gjerësisht lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...