Vendimi për padinë e Vedat Xhymshitit ndaj shtetit merret së shpejti [video]

7 Shtator 2015 - 19:19      

Shpejt pritet të merret vendimi nëse shteti ka shkelur të drejtat e garantuara me Kushtetutë për fotoreporterin Vedat Xhymshiti.

Ai, së bashku me kampanjën “Drejtësia dhe Qytetarët,” ka bërë padi civile ndaj Republikës së Kosovës dhe Policisë, si shkelëse të të drejtave të gazetarit, raporton KTV.

Rasti ka të bëjë me dhunën që polici Faruk Ibrahimi kishte ushtruar ndaj fotoreporterit, i cili, pas kësaj, ishte alivanosur.

Të hënën, janë mbajtur fjalët përfundimtare në këtë rast.

Në rastin tjetër penal, që tashmë ka përfunduar, polici Faruk Ibrahimi është dënuar me 120 ditë burgim.

Në rastin civil, pala e dëmtuar po kërkon kompensim për dëmin fizik e psikologjik.

Raste që gazetarët fyhen e pengohen në punën e tyre nga zyrtarë të shtetit janë të shpeshta, transmeton Koha.net.

Së fundmi, togeri i Policisë së Kosovës, Qamil Behrami ka penguar gazetarët në punën e tyre dhe i ka fyer, derisa pa penguar po përcillnin një aktivitet në kryeqytet.  

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...