Redaktorët e RTK-së nesër në protestë kundër kryeredaktorëve censorë

3 Mars 2015 - 14:04      

Redaktorë të televizionit publik, të shpërfilluar nga proceset vendimmarrëse në këtë institucion mediatik, përmes një njoftimi kanë bërë të ditur se nesër, në orën 12, përmes një proteste do të shfaqin mospajtimin rreth emërimit të kryeredaktorëve në RTK1 dhe RTK3.

“Ju njoftojmë se nesër në orën 12:00, në oborrin e RTK-së do të zhvillohet një protestë e thirrur nga 12 redaktorë të RTK-së të cilët do të shprehin kundërshtimin për emërimin e Lorik Arifajt dhe Ngadhnjim Kastratit në pozitat e kryeredaktorëve në RTK1 dhe RTK3”, thuhet në njoftimin drejtuar kolegëve të medieve të tjera.

“Ashtu siç e kemi thënë edhe në reagimin drejtuar Bordit dhe menaxhmentit,”, vazhdon njoftimi, “ ne nuk pajtohemi me këtë vendim, pasi në vazhdimësi jemi përballur me presion, censurë dhe propagandë të implementuar nga këta dy individë, të cilët konsiderojmë se kanë dëmtuar imazhin e RTK-së si transmetues i pavarur publik.

Kërkesë e vetme është shfuqizimi i vendimit”, përfundon njoftimi i nënshkruar nga redaktorët:

Ardita Tafallari,
Arsim Halili,
Blerta Foniqi,
Enver Bajrami,
Festim Kabashi,
Lindita Azizi,
Meneta Zekaj­Nushi,
Mimoza Zajmi,
Rabisha Muhaxhiri,
Pranvera Munishi­ Morina,
Shkumbin Ahmetxhekaj, dhe
Valbona Ismaili­ Meholli.