“Koha Ditore” me seri ekskluzive të shkrimeve rreth dyshimeve për korrupsion në EULEX

26 Tetor 2014 - 20:25      

Prej nesër, gazeta “Koha ditore” fillon botimin e serisë ekskluzive të hulumtimit për gjyqtarët dhe prokurorët e EULEX-it që dyshohet se kanë marrë ryshfet për të mbyllur raste të mëdha të krimit të organizuar.

Kush janë zyrtarët vendorë që dyshohet se kanë paguar ryshfet dhe cilët janë sekserët që kanë ndërmjetësuar për t’i mbyllur rastet?

Cila prokurore e EULEX-it nuk i beson drejtësisë së institucionit ku punon?

Cili prokuror i EULEX-it ka bërë përpjekje të pengojë hetimet kundër kolegëve të tij, si dhe në një rast të krimit të organizuar ku ishin të përfshirë biznesmenë e politikanë?

Çfarë thuhet në përgjimet telefonike që u janë bërë të dyshuarve për korrupsion?

Më gjerësisht për këto lexoni në numrin e nesërm të “Kohës Ditore” dhe të ditëve në vazhdim.

© KOHA.net