Kosova ka 115 atomistë me inteligjencë të Einsteinit

2 Mars 2014 - 06:40      

Prtishtinë, 2 mars - Atomist është një fjalë e prejardhur nga ATOMI. Por, jo nga ai atomi i grimcave molekulare.

Fjala sipas drejtorit të Shoqatës së Qendrës për Studime dhe Shërbime Psikologjike dhe Sociale – ENCOMPASS, Nait Vrenezi, është bërë si akronim që ndërlidhet me mençurinë e jashtëzakonshme, shkruan sot E diela me Koha Ditore .

A-Aftësi; T-Talent; O-Origjinal; M-Mendje dhe I-Inteligjent. Edhe Kosova në fushën e mençurisë njerëzore nuk dallon nga shtetet e tjera. Këtë e nxjerr testi unik që përdoret ngjashëm në krejt botën dhe që nuk përmban aspekte kulturore nacionale. Drejtori i Encompass-it dhe profesori i psikologjisë, Vrenezi, tregon se nga viti 2011 kur e kanë filluar aktivitetin, nja 12 persona e tejkalojnë edhe Einsteinin me koeficientin e inteligjencës, kurse 5 persona, kryesisht të rinj e kanë tejkaluar edhe testin.

KD: Prej nga ideja që të themelohet një qendër e tillë dhe cili është qëllimi i themelimit?

Vrenezi: Qëllimi i parë i themelimit të kësaj shoqate ishte që të zbuloheshin talentet e rinj të Kosovës, që konsiderohet se ka mjaft, por që për mungesë të kushteve kanë mbetur të pazbuluar. Ata janë me aftësi të veçanta. Deri para lufte Kosova ka pasur vetëm 10 psikologë. Ideja për matjen e inteligjencës ka lindur më 2007, kur unë dhe Isuf Thaçi (ish-drejtor i “Encompass”-it, tash drejtor i Arsimit në Prishtinë) nisëm të kërkonim mjete për të na përkrahur dikush për matjen e inteligjencës së njerëzve me aftësi të jashtëzakonshme. E bëmë një projekt dhe i kërkuam mjetet. Na përkrahu Rockfeller në krye me Haki Abazin dhe e nisëm punën.

(Më gjerësisht lexoni sot intervistën me Nait Vrenezin në E diela me Koha Ditore realizuar nga Ganimet Klaiqi)

 © KOHA.net

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...