Delawie e vlerëson si ide të keqe mbajtjen e zgjedhjeve të parakohshme

16 Shkurt 2017 - 20:25      

Deputetët që janë zgjedhur në vitin 2014 në Kuvendin e Kosovës duhet të punojnë në emër të qytetarëve. Ambasadori amerikan për Kosovë, Greg Delawie e vlerëson si ide të keqe mbajtjen e zgjedhjeve veç pse nuk mund të mendohet për një opsion tjetër.

Ai theksoi se ka ende kohë për punë siç thotë Delawie, të njëmendtë.

“Është ide e keqe për të mbajtur zgjedhje veç pse nuk mund të mendoni çka tjetër të bëni. Mendoj se njerëzit janë zgjedhur në Kuvend në vitin 2014 dhe deputetët e Kuvendit duhet të punojnë në emër të qytetarëve; zyrtarët qeveritarë duhet të punojnë për të mirën e qytetarëve dhe i nxis ta bëjnë këtë. Ka ende kohë për punë të njëmendtë për çështjet si liria fetare, papunësia, sundimi i ligjit dhe më me dëshirë do t’i shihja politikanët dhe zyrtarët duke u marrë me këto çështje se sa të hyjnë në një vit të një periudhe të pacaktuar të etheve zgjedhore gjatë së cilës nuk arrihet shumëçka”, ka thënë ai në Rubikon të KTV-së.

© KOHA. Të gjitha të drejtat janë të rezervuara.