Çanta e harruar e një studenti shkakton panik në Filologjik

16 Shkurt 2017 - 19:31      

Një ditë pasi menaxhmenti i Rektoratit të Universitetit të Prishtinës, tha se kanë gjetur një letër kërcënuese në hapësirat e sallës së kuqe të Fakultetit Filologjik, sot gjatë ditës një çantë dore ka shkaktuar panik te studentët dhe stafi akademik i këtij fakulteti.

Çanta e braktisur për rreth 3 orë ka qëndruar në hapësirat e fakultetit, ku ka zgjuar dyshimet se në të mund të jetë një mjet shpërthyer.

Policia e Kosovës, e ka kontrolluar çantën rreth orës 16 ndërsa në të s’ka gjetur asgjë të dyshimtë.

Rreth po kësaj ore ka ardhur edhe pronari i çantës, i cili i ka thënë policisë se thjeshtë e kishte harruar atë në korridorin e këtij fakulteti.

Pas sqarimit të këtij rasti, fakulteti i është kthyer normalitetit.

© KOHA. Të gjitha të drejtat janë të rezervuara.