Ministria i quan shokuese fotografitë e drejtorit të “Don Boskos” me nxënëset, ai mohon se ka gjë të keqe [video]

16 Shkurt 2017 - 19:27      

Don Izidor Lukiq, drejtor i Qendrës Social Edukative “Don Bosko”, nuk ka hezituar të bëjë fotografi nën përqafimin e ngrohtë të vajzave të ndryshme.

Këto fotografi morën shumë komente negative, marrë parasysh se prifti Lukiq është drejtor i një shkolle të ulët të mesme, raporton KTV.

Por një gjë të tillë e mohon protagonisti i fotografive, Don Izidor Lukiq. Ai thotë se është shumë i afërt me të gjithë nxënësit e tij dhe jo vetëm të gjinisë femërore.

Sipas tij, këto fotografi me tendencë i ka publikuar një ish-punonjës i shkollës, të cilit i ka skaduar kontrata e punës.

Në njërën prej fotove është edhe ish-nxënësja Nora Makolli. Ajo thotë se përqafimet e tyre janë të tipit prind-fëmijë dhe asgjë më shumë.

Edhe profesori Betim Bajoku thotë se përveç se është i dashur me të gjithë, është edhe këshillues dhe human.

E ndërkaq zyrtarë të Ministrisë së Arsimit, nën licencën e së cilës punon qendra “Don Bosko”, thonë se janë shokuar nga kjo ngjarje.

“Marrja e masave do të jetë e pashmangshme”, thotë drejtori i Inspektoratit të Ministrisë.

© KOHA. Të gjitha të drejtat janë të rezervuara.