Tahiri: Nuk do të shfrytëzoj famën si këngëtar për të marrë vota

15 Shkurt 2017 - 23:51      

Labinot Tahiri, kandidati i AKR-së për kryetar të Ferizajt, thotë se nuk do të shfrytëzojë famën si këngëtar që të marrë votat e qytetarëve të Ferizajt.

Në Interaktiv të KTV-së, Tahiri është shprehur se nuk beson që votat do t’i marrë për shkak të famës si këngëtar, por votat do t’i marrë për planin e tij dhe afërsinë me qytetarët.

“Nuk do ta shfrytëzoj famën e këngëtarit për vota. Nëse unë në të kaluarën kam bërë të këqija, njerëzit nuk do të votojnë. Ata do të më votojnë nëse kam bërë vepra të mira”, ka thënë ai.

Tahiri ka folur edhe për ndihmat humanitare me të cilat bëri bujë viteve të fundit dhe thotë se raportimet për mashtrime nga ana e tij janë false.

“Kemi organizuar koncerte edhe para se me pas Facebook. Unë e kam ndje si obligim kombëtar që të ndihmoj shqiptarët kudo që janë. Kurrë nuk kam marrë para në duar. Gjithçka i kam të shënuara”, ka thënë ai.

© KOHA. Të gjitha të drejtat janë të rezervuara.