Fillon kremtimi i Ditës Pavarësisë

15 Shkurt 2017 - 18:43      

Tashmë ka filluar shënimi i 9-vjetorit të Pavarësisë së Kosovës. Derisa paradite në të gjitha institucionet arsimore, ora e parë e mësimit iu dedikua historikut të Pavarësisë së Kosovës, pasdite ka filluar dekorimi i shesheve në kryeqytet dhe qytete tjera të Kosovës, njofton kumtesa zyrtare, transmeton koha.net.

Nesër do të mbahet një seanca solemne duke filluar nga 15:00, ndërsa, në orën 18:00 presidenti Hashim Thaçi dhe kryeministri Isa Mustafa do të organizojnë një pritje shtetërore për nder të festës së Pavarësisë.

Kjo është agjenda për shënimin e 9-vjetorit të shpalljes së Pavarësisë, të organizuar nga Presidenca, Kuvendi, Qeveria dhe komunat e Kosovës.

Aktivitete të përgjithshme:

15 Shkurt 2017

• Nga 15 shkurti 2017, të gjitha komunat do të dekorojnë me flamuj shtetëror sheshet dhe rrugët e qyteteve.

• Në datën 15 ose 16 shkurt, ora e parë e mësimit nëpër të gjitha shkollat fillore dhe të mesme do t'i kushtohet Shpalljes së Pavarësisë së Kosovës.

• Nga 14 shkurti deri më 17 shkurt, shkollat mund të organizojnë ekspozita me punimet e nxënësve, lidhur me përvjetorin e shpalljes së Pavarësisë së Kosovës.

16 Shkurt 2017

• Në orën 15:00, Kuvendi i Republikës së Kosovës do të mbajë Seancë Solemne.

• Në orën 17:00, organizohet Turneu Tradicional për nderë të Pavarësisë së Republikës së Kosovës në Futsall.

Vendi: Pallati i Rinisë në Prishtinë

• Presidenti i Republikës së Kosovës, Hashim Thaçi dhe kryeministri i Republikës së Kosovës, Isa Mustafa organizojnë pritjen shtetërore, në Swiss Diamond Prishtina, në orën 18:00.

• Baleti Kombëtar i Kosovës, organizon shfaqje në Teatrin Kombëtar në orën 20:00.

17 Shkurt 2017

• Homazhet do të zhvillohen nga ora 09:00 deri në orën 11:00

• Homazhe tek varri i Presidentit, Dr. Ibrahim Rugova.

• Homazhe tek varri i Komandantit Legjendar Adem Jashari dhe familjes Jashari në Prekaz.

• Në orën 11:00, Ministria e Kulturës Rinisë dhe Sportit bënë ndarjen e çmimeve letrare.

Vendi: Ministria e Kulturës Rinisë dhe Sportit

• Në orën 20:00, Ansambli Shota organizon koncert

Vendi: Teatri Kombëtar i Kosovës

Të gjitha komunat e Kosovës :

• Më 17 shkurt 2017, autoritetet komunale do të bëjnë vizita dhe do të vendosin kurora me lule në varrezat e dëshmorëve.

• Autoritetet komunale mund të bëjnë vizita në familjet e dëshmorëve.

• Më 17 Shkurt 2017, në orën 10:00, Kuvendet Komunale do të mbajnë mbledhje solemne me mysafirë të ftuar.

• Komunat mund të ndajnë mirënjohje dhe dekorata për personalitete të vlerësuara komunale në shenjë të 9- vjetorit të Pavarësisë së Kosovës.

• Komunat mund të organizojnë manifestime të ndryshme sportive, kulturore dhe aktivitete të tjera komunale që mund të jenë specifike për secilën komunë në varësi të mundësive të komunave.

© KOHA. Të gjitha të drejtat janë të rezervuara.