Lekaj s’e ka marrë aktakuzën, e quan “luftë shtrigash”

14 Shkurt 2017 - 17:13      

Kryetari i Grupit Parlamentar të AAK-së Pal Lekaj ka reaguar ndaj aktakuzës që sot e ka ngritur kundër tij Prokuroria Speciale e Kosovës, për veprën penale: “keqpërdorimi i pozitës apo autoritetit zyrtare”, transmeton Koha.net.

“Jam plotësisht i pastër në të gjitha përgjegjësitë që i kam pasur dhe çdo herë kam qenë në shërbim të qytetarëve dhe të Kosovës”, ka thënë ai në reagim.

Në vazhdim të reagimit Lekaj ka shtuar se kësaj qeverie i është ngushtuar rrethi dhe “prandaj tani ka filluar që në emër të drejtësisë të bëjë "luftën e shtrigave", ndërsa ka përfunduar se ende s’e ka marrë konfirmimin zyrtar për aktakuzë, prandaj “nuk dua të lëshohem në komentime me tutje, përveç që nuk do të mundet askush të na gjunjëzojë”, ka përfunduar ai.

© KOHA. Të gjitha të drejtat janë të rezervuara.