“Mbi 100 raste të dënimeve të padrejta janë kompensuar nga KGJK” [video]

13 Shkurt 2017 - 20:54      

Kryesuesi i Këshillit Gjyqësor të Kosovës, Nehat Idrizi, i ftuar në emisionin “Puls” të KTV-së për të debatuar për problemet në gjyqësorin e Kosovës, ka folur për numrin e rasteve të personave të paraburgosur, arrestuar dhe dënuar pa të drejtë.

“Gjatë vitit 2016 janë paraburgosur, arrestuar dhe dënuar mbi 100 persona pa të drejtë dhe shuma totale e kompensimit të dëmit arrin në mbi 368 mijë euro”, ka thënë Idrizi, raporton Koha.net.

Ai thotë t’i kenë kompensuar këto raste, ndërsa thekson se kompensimi u është bërë edhe 23 personave që kanë qenë nga viti 2015.

“Nëse një gjykatës ka bërë 2-3 shkelje të këtilla, që ka dënuar persona që kanë dalë të pafajshëm, ai duhet të jap llogari. Madje, komisioni duhet të kërkojë edhe shkarkimin e tyre”, ka thënë Idrizi.  

© KOHA. Të gjitha të drejtat janë të rezervuara.