Gjashtë studentë mitrovicas në garën e Harvardit

13 Shkurt 2017 - 14:47      

Gjashtë studentë të Fakultetit Juridik të Universitetit “Isa Boletini” në Mitrovicë, së bashku me një grup të studentëve nga Universiteti i Prishtinës, do ta përfaqësojnë Kosovën në garën prestigjioze “Harvard Model United Nations”.

Grupin e studentëve që do të marrin pjesë në garë së bashku me dekanin e Fakultetit Juridik, Bashkim Preteni, i ka pritur të premten në takim edhe rektori i Universitetit “Isa Boletini” në Mitrovicë, Alush Musaj, i cili uroi që të dalin sa më suksesshëm në këtë aktivitet, transmeton Koha.net.

Siç njofton komunikata për media nga Universiteti i Mitrovicës “Isa Boletini”, rektori Musaj, tha se pjesëmarrja e studentëve të Universitetit “Isa Boletini”, në një garë tradicionale në Universitetin e Harvardit, është një sukses për studentët dhe për Universitetin në përgjithësi. 

© KOHA. Të gjitha të drejtat janë të rezervuara.