Pushohen hetimet ndaj zyrtarëve publikë për mos-deklarim të pasurisë

12 Shkurt 2017 - 19:10      

52 zyrtarë publikë vetëm gjatë vitit të kaluar ishin hetuar nga Prokuroria e Shtetit me dyshimet se nuk kishin raportuar pasurinë, ose kishin raportuar rrejshëm pasurinë, dobinë materiale, dhuratat ose detyrimet financiare. E, kësaj shifre i janë shtuar edhe 24 kallëzime penale të bartura nga viti 2015.

Kjo prokurori, n137p137rmjet një përgjigjeje me postë elektronike ka konfirmuar se pas shqyrtimit të këtyre kallëzimeve penale ka marrë vendim që t’i mbyllë hetimet ndaj 49 personave. Ndërsa, ndaj 1 personi është hedhur poshtë kallëzimi penal, raporton KTV.

Megjithatë, prokuroria ka arritur të ngritë aktakuza ndaj 8 personave. Ndërsa, në fund të vitit 2016, Prokurorisë së Shtetit, si lëndë të pazgjidhura i kanë ngelur edhe 16 kallëzime penale me 17 persona të dyshuar.

Edhe këtë vit që nga muaji mars mbi 4000 mijë zyrtarë do të deklarojnë pasurinë e tyre në formularët e Agjencisë Kundër Korrupsionit. Kjo agjenci thotë se qysh tash ka nisur përgatitjet, duke filluar nga trajnimi i stafit.

Por, organizatat “Çohu” që me vite të tëra kanë monitoruar procesin e deklarimit të pasurisë thonë se Agjencia në vazhdimësi po dështon të hetojë dhe ofrojë prova bindëse Prokurorisë.

© KOHA. Të gjitha të drejtat janë të rezervuara.