Apeli e kthen në rivendosje vendimin gjyqësor për deputetët Kurteshi dhe Shala

11 Shkurt 2017 - 06:37      

Shkelja e procedurave penale ka bërë që Gjykata e Apelit të mos e miratojë vendimin e Gjykatës së shkallës së parë, e cila javë më parë kishte vendosur që të hidhte poshtë kundërshtimin e aktakuzës nga dy deputetët e opozitës, Haxhi Shala e Ismajl Kurteshi.

Apeli i ka kërkuar Gjykatës Themelore që të arsyetojë vendimin për hedhjen e aktakuzës, shkruan sot Koha Ditore.

Deputeti i Lëvizjes “Vetëvendosje”, Ismajl Kurteshi dhe deputeti i Nisma për Kosovën, Haxhi Shala janë akuzuar vitin e kaluar nga prokuroria për armëmbajtje pa leje.

Hetimet ndaj tyre kishin filluar pas aktivizimit të gazit lotsjellës në Kuvendin e Kosovës.

Dy seanca janë mbajtur deri më tani ndaj tyre në Gjykatën Themelore të Prishtinës. Kur janë pyetur rreth fajësisë, të dy deputetët kanë thënë se nuk ndihen fajtorë dhe se ky gjykim është i padrejtë. (Artikullin e plotë mund ta lexoni në numrin e sotëm të Kohës Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.