MPMS bllokon kredit-kartelën zyrtare të ish-zv/ministrit Rrahmani

10 Shkurt 2017 - 14:15      

Ministria e Punë dhe e Mirëqenies Sociale, përmes një kumtese tregon për masat që ka ndërmarrë lidhur me çështjen e përdorimit të kredit kartelës zyrtare të ish- zëvendësministrit të MPMS-së, Qazim Rrahmani, transmeton Koha.net.

Sipas kumtesës, për të mbuluar shpenzimet e shkaktuara, Ministria e Punës dhe Mirëqenies Sociale, pasi që i ka tërhequr vërejtjen ish-zëvendësministrit, për përdorim jo të rregullt të kredit kartelës zyrtare, ka ndërmarrë veprimet e nevojshme konform procedurave.

Konkretisht është bllokuar përdorimi i mëtejmë i kredit kartelës dhe duke zbatuar ndalesën prej 50% në pagë, për shumën e paarsyetuar të shpenzimeve, nga muaji shkurt i vitit të kaluar.

Lidhur me pjesën e mbetur të paarsyetuar të mjeteve të shpenzuara nga kredit kartela zyrtare, zëvendësministri Rrahmani ka premtuar se këto mjete do t’i kthejë në Buxhetin e MPMS-së deri në fund të këtij muaji, në të kundërtën, MPMS-ja do të njoftojë thesarin dhe organet kompetente për të ndërmarrë veprimet e nevojshme.

© KOHA. Të gjitha të drejtat janë të rezervuara.