Gjiknuri i kërkon Komisionit Evropian të ndërhyjë në ngërçin e linjës së interkonjeksionit Shqipëri - Kosovë

10 Shkurt 2017 - 06:28      

Ministri i Energjisë dhe i Industrisë i Shqipërisë, Damian Gjiknuri, kërkoi të enjten në Shkup që Komisioni Evropian të luajë rolin e tij për të ndërhyrë me synim zgjidhjen e ngërçit rreth linjës së interkonjeksionit 400 kV Shqipëri - Kosovë.

Duke shfrytëzuar prezencën e Komisionerit Evropian për Zgjerimin dhe Fqinjësinë e Mirë, Johanes Hahn, në ministerialin e gjashtë vendeve të Ballkanit Perëndimor që u zhvillua të enjten në Shkup, ministri Gjiknuri kërkoi që Komisioni Evropian të luajë rolin e tij për të ndërhyrë me synim zgjidhjen e ngërçit rreth linjës së interkonjeksionit 400 kV Shqipëri – Kosovë, shkruan sot Koha Ditore.

Në këndvështrimin e z. Gjiknuri, pengesa të tilla të krijuara artificialisht nuk ndihmojnë integrimin e tregjeve dhe bashkëpunimin mes vendeve të rajonit.

“Ju e dini që Kosova dhe Shqipëria kanë ndërtuar një linjë interkonjeksioni, por për shkak të mosnjohjes së Pavarësisë së Kosovës, kjo linjë nuk është vënë në funksion dhe kjo mund të ndikojë edhe për shumë investime në të ardhmen. U kërkojmë komisionerit dhe institucioneve të përfshira të ndërhyjnë për të gjetur një zgjidhje.

Është një kontribut për të gjitha vendet e rajonit”, ka qenë kërkesa e ministrit shqiptar të Energjisë, Damian Gjiknuri, ndaj Hahnit.

(Artikullin e plotë mund ta lexoni në numrin e sotëm të Kohës Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.